ဈေး၊ဈေးတန်း (Market, Market place)
ဓမ္မဟောင်းကျမ်းတွင် မြို့၏ အစိတ်အပိုင်းတနေရာ၌ ရောင်းဝယ် ဖောက်ကားရာနေရာ ဈေးရှိသည်။ ဓမ္မသစ်ကျမ်းတွင် လူများစုဝေးရာနေ ဖြစ်သည်။ ရောင်းဝယ်ဖောက်ကားရာ၊ ကလေးသူငယ်များ ဆော့ကစား ရာ'(လု ၇း ၃၂)၊ လူများ အလုပ်ရှာဖွေရာ(မ ၂၀း၃)၊ အချင်းချင်း နှုတ်ဆက်မိတ်ဖွဲ့ကြ ရာနေရာဖြစ်သည်(မ ၂၃း၇)။
တပါးအမျိုးသားများ၏ မြို့များတွင် ဂရိနှင့် ရောမယဉ်ကျေးမှုက ဈေးတန်းများကို လွှမ်းမိုးကြသည်။ ကျောက်ခင်းလမ်းကျယ်ကြီးတဘက် တချက် တွင် ဈေးရောင်းကြသည်။ ဈေးတန်းများဘေးတွင် လျှောက်လှမ်း စရာ လမ်း များထားရှိသည်။ အုပ်ချုပ်ရေးအဖွဲက စီရင်ကွပ်ကဲကြသည်(တ ၁၆း၁၉)။ ဒဿနပညာရှင်များနှင့် ဘာသာရေးဆရာသမားများသည် ထိုနေရာတွင် အငြင်းအခုံ ပြုကြလေ့ရှိသည်(တ ၁၇း၁၇၊ ၁၈)။