သမိုင်းကြောင်း၏နောက်ခံအခြေအနေ

သမိုင်းကြောင်း၏နောက်ခံအခြေအနေ

(Historical Background)

အစ္စရေးနိုင်ငံသည် ခရစ်တော်မပေါ်မီ နှစ်ပေါင်း ၁၈၀၀ ခန့်က အစပြုခဲ့ သည်။ ထိုစဉ်က အစ္စရေးလူမျိုးများသည် လူမျိုးနွယ်စုအလိုက် နေထိုင်ကြသည်။ ပထမဆုံး အမျိုးသားခေါင်းဆောင်မှာ အာဗြဟံဖြစ်သည်။ သူသည် ခါလဒဲပြည် ဥရမြို့ သားဖြစ်သည်။ သို့သော် ဘုရားသခင်သည် သူနှင့်သူ့မိသားစုအား ခါလဒဲပြည်မှ ခေါ်ယူကာ သူ၏သားစဉ်မြေးဆက်များနေထိုင်ရန် ကတိပြုထားသော ခါနန်ပြည်သို့ စေလွှတ်ခဲ့သည်။

အာဗြဟံ၏သားဣဇက်ဖြစ်၍ ဣဇက်က ဧသောနှင့်ယာကုပ်အမည်တွင် သော အမြွာသားနှစ်ယောက်ထွန်းကားခဲ့သည်။ ယာကုပ်၏အမည်ကို အစ္စရေးဟု ပြောင်းခေါ်ခဲ့ရာမှ နောင်တွင် သူ၏သားသမီးများအားဖြင့် အစ္စရေးလူမျိုး ပေါ်ပေါက်လာသည်။ ထိုစဉ်က အစ္စရေးတို့သည် အတည်တကျမနေထိုင်ဘဲ မိမိတိရစ္ဆာန်များ အတွက် ရေကြည်ရာမြက်နုရာကို လှည့်လည်ရှာဖွေရင်း ပြောင်းရွှေ့ နေကြသော လူစု များဖြစ်သည်။ အဓိကအားဖြင့် သိုး၊ ဆိတ်နှင့် နွားများ မွေးမြူခြင်းဖြင့် အသက်မွေး ဝမ်းကျောင်းပြုကြသည်။

အစ္စရေးလူမျိုးများ ခါနန်ပြည်သို့မရောက်မီ အရင်နေခဲ့သော လူမျိုးများ သည် နေအိမ်များတည်ဆောက်ကာ၊ လယ်ယာစိုက်ပျိုးခြင်းဖြင့် အတည်တကျ နေထိုင်ခဲ့ကြသည်။

အစ္စရေးသည် သားတစ်ဆယ့်နှစ်ဦးရှိသည်။ ၎င်းတို့မှာ၊ ရုဗင်၊ ရှိမောင်၊ လေဝိ၊ ယုဒ၊ ဣသခါ၊ ဇာဗုလုန်၊ ယောသပ်၊ ဗာ်မိန်၊ ဒန်၊ နဿလိ၊ ဂတ်နှင့် အာရှာတို့ဖြစ်ကြသည်။ အစ္စရေး၏အချစ်ဆုံးသားမှာ ယောသပ်ဖြစ်သည်။ ဖခင်က တခြားသားများထက် ပိုချစ်သောကြောင့် လည်းကောင်း၊ ယောသပ်က မာန်မာနကြီး သည်ဟု ယူဆကြသောကြောင့်လည်းကောင်း အစ်ကိုများက အလွန်မုန်းတီး၍ မနာလို ဖြစ်ခဲ့ ကြသည်။

ထို့ကြောင့် အစ်ကိုများက ယောသပ်အား ကျွန်အဖြစ်ရောင်းစားခဲ့ရာမှ၊ အီဂျစ်ပြည်သို့ခေါ် ဆောင်ခြင်းခံရသည်။ အီဂျစ်ပြည်တွင် များစွာသော ဘဝအတွေ့ အကြုံများ ကျော်လွှားပြီး၊ အီဂျစ်ဘုရင် ဖာရော၏ဒုတိယအာဏာရှိပုဂ္ဂိုလ်တစ်ပါး ဖြစ်လာသည်။ ခါနာန်ပြည် တွင် အစာရေစာခေါင်းပါးမှုကပ် ဆိုက်ရောက်သောကြောင့်၊ မိသားစုအားလုံး အီဂျစ်ပြည်သို့ ပြောင်းရွှေ့ လာ၍၊ ယောသပ်၏ စောင့်ရှောက် ကာကွယ်မှုအောက်တွင် ခိုလှုံလာကြသည်။ ယောသပ်နှင့် သူ၏အစ်ကိုများမိသားစုသည် အလွန်တိုးပွားကာ ထောင်သောင်း များစွာသော အစ္စရေးလူမျိုးများဖြစ်လာကြသည်။

ယောသပ်ကွယ်လွန်ပြီး နှစ်ပေါင်းများစွာကြာမြင့်လာသောအခါ အီဂျစ် ဘုရင်ဖာရောသည် အစ္စရေးလူမျိုးများကို ကျွန်အဖြစ် စေခိုင်းခဲ့ သည်။ ကြီးမားသော အဆောက်အဦများနှင့် မြို့ပြကြီးများကို အတင်းအဓမ္မတည်ဆောက်စေခဲ့သည်။

ထိုနောက်၊ ဘုရားသခင်သည် အစ္စရေးလူမျိုးများအား ဦးဆောင်ရန် လေဝိ အမျိုးမှ မောရှေအား ခေါ်ယူစေခိုင်းခဲ့သည်။ မောရှေ မွေးဖွား သော အချိန်ကာလသည် အစ္စရေးလူမျိုးများ အလွန်တိုးပွားသော အချိန်ဖြစ်သည်။ ဖာရောဘုရင်သည် အစ္စရေး များတိုးပွားလာ၍ တန်ခိုးကြီးလာပြီး၊ အီဂျစ်လူမျိုးများအတွက် အန္တရာယ်ဖြစ်လာမည် ကို စိုးရိမ်သောကြောင့် ဖွားမြင်သောအစ္စရေးသားမှန်သမျှ သတ်ပစ် ရန် အမိန့်ထုတ်ပြန် ခဲ့သည်။ မောရှေမွေးဖွားသောအခါ ချစ်စရာအလွန်ကောင်းသောကြောင့် မိခင်နှင့် သားဖွားသူနာပြုက မသတ်ရက်ဘဲ၊ သုံးလတိုင်တိုင်ဖွက်ထားခဲ့သည်။ နောက်ပိုင်းတွင် ဆက်လက်ဖွက်ထားရန် မဖြစ်နိုင်သောကြောင့် မိခင်သည် ကျူပင်ဖြင့်ပြုလုပ်သော လှေငယ်တစ်စင်းတွင် မောရှေအား သိပ်ထားပြီး မြစ်ရေတွင်ပျောကာ မောရှေ၏ အစ်မအား စောင့်ကြည့်စေခဲ့သည်။ များမကြာမီ ဖာရောဘုရင်၏သမီးမြစ်ကမ်းသို့

သမ္မာကျမ်းစာခေတ်လူတို့၏ နေ့စဉ်အသက်တာ နိဒါန်း

နိဒါန်း (Introduction)

ဤစာအုပ်ရေးသားခြင်းမှာ ဓမ္မသစ်ကျမ်းရေးသားပြုစုချိန် အစ္စရေးနိုင်ငံ သားများ၏ နေ့စဉ်ဘဝနေထိုင်ပုံအကြောင်းကို သိကျွမ်းစေရန် ဖြစ်သည်။ သခင်ယေရှု သက်တော်ထင်ရှားခဲ့သောအချိန်နှင့် ယခုအချိန်သည် ပထဝီအနေအထားအားဖြင့် အတော်ပင်တူညီသော်လည်း ယဉ်ကျေးမှုဓလေ့ထုံးစံမူကား၊ အလွန်ကွဲပြားခြားနား လေသည်။ ထို့ကြောင့် သမ္မာကျမ်းစာရေးသားပြုစုစဉ်က ပထဝီအနေအထား၊ သမိုင်း နောက်ခံနှင့် နေ့စဉ်အသက်ရှင်ပုံ ယဉ်ကျေးမှုဓလေ့ထုံးစံများကို ခံစားသိမြင်သဘော ပေါက်နိုင်ရန်အတွက် သရုပ်ဖော်ရုပ်ပုံ များနှင့်တကွ စုဆောင်းတင်ပြထားပါသည်။

ယေရှုခရစ်တော်၏ အံ့ဩဖွယ်သက်တော်စဉ်

The Amazing Life of Jesus Christ

ယေရှုခရစ်တော်သည် လွန်ခဲ့သောနှစ်ပေါင်းများစွာက အသက်ရှင်နေထိုင်ခဲ့သော သာမန်လူသားတစ်ဦးမျှသာမဟုတ်ပါ။ သမ္မာကျမ်းစာလာအရ သူသည် ဖန်ဆင်းရှင် ဘုရားသခင်ဖြစ်ရုံမျှမက လူသားအားလုံးတို့ကို အပြစ် စာတန်၏ သွေးဆောင်မှုနှင့် သေခြင်းတရားတို့မှ ကယ်တင်ရန်အတွက် အသက်သွေးကိုပေးဆပ်ရန် ဤကမ္ဘာမြေ ပေါ်တွင် လူသားတစ်ဦးအဖြစ်နေထိုင်ခဲ့သူဖြစ်သည်။ သူသည် ယနေ့တိုင်အသက်ရှင် နေ၍ သူ့ထံသို့ လာရောက်သူမှန်သမျှ ထာဝရအသက်တာကို ပေးစွမ်းနိုင်သူဖြစ်သည်။

ယေရှုခရစ်တော်အား လက်ခံရန် (သို့) ငြင်းပယ်ရန်သည် ကျွန်ုပ်တို့၏ဘဝ (သို့) သေခြင်းတရားနှင့် ဆက်စပ်နေပေသည်။ သားတော်ကိုရသောသူသည် အသက်ကိုရ၏၊ ဘုရားသခင်၏သားတော်ကို မရသောသူမူကား အသက်ကိုမရ” (၁ ယောဟန် ၈း၁၂) “သခင်ယေရှုမှတစ်ပါး အဘယ်သူမျှ ကယ်တင်ခြင်းအမှုကို မပြနိုင်။ ထိုသခင်၏နာမတော်မှတစ်ပါး ငါတို့ကိုကယ်တင်နိုင်သော နာမတစ်စုံ တစ်ခုမျှ ကောင်းကင်အောက်လူတို့ အပေါ်တွင်မရှိ” (တမန်တော် ၄၁၂)

ယေရှုခရစ်တော်၏ အံ့ဩဖွယ်သက်တော်စဉ်ကို ဖတ်ရှုခြင်းဖြင့် ဘုရားသခင်၏ စစ်မှန်သောဘုန်းတန်ခိုး သင့်အပေါ်၌ထင်ရှားပါစေ။ “ထာဝရအသက်တာ ရရှိခြင်း ကား စစ်မှန်သော၊ တစ်ဆူတည်းသော ဘုရားသခင်ဖြစ်တော်မူသော ကိုယ်တော်ကို၎င်း၊ စေလွှတ်တော်မူသော ယေရှုခရစ်ကို၎င်း သိကျွမ်းခြင်းပေတည်း” (ယောဟန် ၁၇၃) ယေရှုအား ကယ်တင်ရှင်နှင့်သခင်အဖြစ် သင်၏နှလုံးအိမ်ဝယ် လက်ခံပြီးပြီလား။ လက်မခံသေးပါက ယနေ့ပင် လက်ခံလိုက်လျှောက်ပါ။

ကျမ်းချက်များကို ဆရာယုဒသန်ပြန်ဆိုသော သမ္မာကျမ်းမှ ထုတ်နုတ်ထားသည်။

အဖုံးဒီဇိုင်း – Edwin B. Wallace

ဘုရားသခင်၏ နှုတ်ကပတ်တော်ကို ယခုထက်ပိုမိုလေ့လာလိုပါက

WMP, Inc.

P.O.Box. 120,

New Paris Indiana 46553 – 0120.

U.S.A. သို့ ဆက်သွယ်စုံစမ်းနိုင်ပါသည်။The Amazing Life of Jesus Christ

PDF Download

 

The Creation

ဖန်ဆင်းခြင်း၏ပုံပြင်


အစအဦး၌ ဘုရားသခင်သည် ကောင်းကင်နှင့် မြေကြီးကို ဖန်ဆင်းတော်မူ၏။ မြေကြီးသည်အဆင်းသဏ္ဍာန်မရှိ၊ လွတ်လပ်လ ဟာဖြစ်၏။ နက်နဲရာအရပ်ကို မှောင်မိုက်ဖုံးလွှမ်း၍ ဘုရားသခင်၏ ဝိညာဉ်တော်သည် ရေမျက်နှာပြင်ပေါ်မှာ လှုပ်ရှားတော်မူ၏။

ပထမနေ့

ဘုရားသခင်ကလည်း လင်းဖြစ်စေဟု အမိန့်တော်ရှိ၍ အလင်းဖြစ်လေ၏။ ထိုအလင်းကောင်းသည်ကို ဘုရားသခင်မြင်၍၊ အလင်းနှင့် မှောင်မိုက်ကိုပိုင်ခြားခွဲထားတော်မူ၏။ အလင်းကို နေ့ဟူသောအမည်ဖြင့်၎င်း၊ မှောင်မိုက်ကို ညဉ့်ဟူသောအမည်ဖြင့်၎င်း၊ ခေါ်ဝေါ်သမုတ် တော်မူ၍ ညဦးနှင့် နံနက်သည် ပဌမနေ့ရက်ဖြစ်လေ၏။

ဒုတိယနေ့

တဖန်ဘုရားသခင်က ရေအလယ်၌ မိုဃ်းမျက်နှာကြက်ဖြစ်စေ၊ ရေနှင့်ရေချင်းခြားနားစေဟု အမိန့်တော်ရှိသဖြင့်၊ မိုဃ်းမျက်နှာကြက်ကို ဘုရားသခင် ဖန်ဆင်းတော်မူ၍၊ မိုဃ်းမျက်နှာကြက်အောက်၌ရှိသောရေနှင့်၊ မိုဃ်းမျက်နှာကြက်အပေါ်၌ရှိသောရေကို ပိုင်းခြားတော်မူသည်အတိုင်းဖြစ်လေ၏။ မိုဃ်းမျက်နှာကြက်ကိုလည်း မိုဃ်းကောင်းကင်ဟူသောအမည်ဖြင့် ဘုရားသခင်ခေါ်ဝေါ် သမုတ်တော် မူ၍၊ ညဦးနှင့် နံနက်သည် ဒုတိယနေ့ရက်ဖြစ်လေ၏။

တတိယနေ့

တဖန်ဘုရားသခင်က မိုဃ်းကောင်းကင်အောက်၌ရှိသော ရေစုဝေးစေ၊ ကုန်းပေါ်စေဟု အမိန့်တော် ရှိသည်အတိုင်း ဖြစ်လေ၏။ ကုန်းကိုမြေဟူသော အမည်ဖြင့်၎င်း၊ ရေစုဝေးရာကို ပင်လယ်ဟူသောအမည်ဖြင့်၎င်း၊ ဘုရားသခင် ခေါ်ဝေါ်သမုတ်တော်မူ၍ ထိုအမှုအရာကောင်းသည်ကို ဘုရားသခင်မြင်တော်မူ၏။ တဖန် ဘုရားသခင်က၊ မြေသည် မြက်ပင်ကို၎င်း၊ စပါးသီးကို ဖြစ်စေသော စပါးပင်ကို၎င်း၊ မြေပေါ် မှာ မျိုးစေ့ပါလျက် သစ်သီးမျိုးကို ဖြစ်စေသော သစ်ပင်ကို၎င်း၊ ပေါက်စေဟု အမိန့်တော်ရှိသည် အတိုင်း ဖြစ်လေ၏။ မြေသည်မြက်ပင်ကို၎င်း စပါးသီးမျိုးကို ဖြစ်စေသော စပါးပင်ကို၎င်း၊ မိမိ၌ မျိုးစေ့ပါလျက် သစ်သီးမျိုး ကို ဖြစ်စေသော သစ်ပင်ကို၎င်း ပေါက်စေ၏။ ထိုအမှုအရာကောင်းသည်ကို ဘုရားသခင်မြင်တော်မူ၍၊ ညဦးနှင့် နံနက်သည် တတိယနေ့ရက် ဖြစ်လေ၏။

စတုတ္ထနေ့

တဖန်ဘုရားသခင်က၊ နေ့နှင့်ညဉ့်ကို ပိုင်းခြားစေခြင်းငှါ မိုဃ်းကောင်းကင်မျက်နှာကြက်၌ အလင်းအိမ် တည်စေ၊ နိမိတ်လက္ခဏာ၊ ချိန်းချက်သောအချိန်၊ နေ့ရက် အပိုင်းအခြား၊ နှစ်အပိုင်းအခြားဘို့ဖြစ်စေ။ မိုဃ်းကောင်းကင် မျက်နှာကြက်၌တည်၍ မြေကြီးလင်းစရာ အလင်းအိမ်ဖြစ်စေဟု အမိန့်တော်ရှိ သည့်အတိုင်းဖြစ်လေ၏။ ထိုသို့ ဘုရားသခင်သည် အလင်းအိမ်ကြီး နှစ်လုံးတည်းဟူသော နေ့ကိုအုပ်စိုးရသော အကြီးတလုံး၊ ညဉ့်ကို အုပ်စိုးရသော အငယ်တလုံးနှင့်တကွ ကြယ်များတို့ကို ဖန်ဆင်းတော်မူပြီးလျှင်၊ မြေကြီး၌ လင်းစေခြင်းငှာ၎င်း၊ နေ့နှင်ညဉ့်ကို အုပ်စိုး၍ အလင်းနှင့်မှောင်မိုက်ကို ပိုင်းခြားစေခြင်းငှာ ၎င်း၊ မိုဃ်းကောင်းကင် မျက်နှာကြက်၌ ဘုရားသခင် ထားတော်မူ၏။ ထိုအမှုအရာ ကောင်းသည်ကို ဘုရား သခင်မြင်တော်မူ၍၊ ညဦးနှင့် နံနက်သည် စတုတ္ထနေ့ရက် ဖြစ်လေ၏။


ပဉ္စမနေ့

တဖန်ဘုရားသခင်က အသက်ရှင်၍ လှုပ်ရှားတတ်သော တိရစ္ဆာန်တို့ကို ရေသည်များပြားစွာ မွေးဘွား စေ။ ငှက်တို့လည်း မြေပေါ် မိုဃ်းကောင်းကင်မျက်နှာကြက်ပြင်ဝယ်ပျံစေဟု အမိန့်တော်ရှိ၏။ ထိုသို့လျှင်ရေသည် တိရစ္ဆာန်အမျိုးအလိုက် များပြားစွာ မွေးသွား၍၊ ငါးကြီးအစရှိသော အသက်ရှင်၍ လှုပ်ရှားတတ်သော တိရစ္ဆာန်အပေါင်းတို့ကို၎င်း၊ ပျံတက်သော ငှက်မျိုးအပေါင်းတို့ကို၎င်း ဘုရားသခင်ဖန် ဆင်း၍၊ ထိုအမူအရာကောင်းသည်ကို မြင်တော်မူ၏။ ဘုရားသခင်ကလည်း များပြားစွာ မွေးဘွားကြလော့။ ပင်လယ်ရေများကို ပြည့်စေကြလော့။ ငှက်တို့ လည်း မြေပေါ်၌ များပြားစေသတည်းဟု ထိုတိရစ္ဆာန်တို့ကို ကောင်းကြီးပေးတော်မူ၍၊ ညဦးနှင့်နံနက်သည် ပဥ္စမနေ့ရက်ဖြစ်လေ၏။


ဆဌမနေ့

မြေကြီးသည်အဆင်းသဏ္ဍာန်မရှိ၊ လွတ်လပ်လ ဟာဖြစ်၏။ နက်နဲရာအရပ်ကို မှောင်မိုက်ဖုံးလွှမ်း၍ ဘုရားသခင်၏ ဝိညာဉ်တော်သည် ရေမျက်နှာပြင်ပေါ်မှာ လှုပ်ရှားတော်မူ၏။

ထိုသို့ ကောင်းကင်မြေကြီးနှင့်တကွ ခပ်သိမ်းသော တန်ဆာတို့သည် ပြီးစီးလျက်ရှိကြ၏။


သတ္တမနေ့

သတ္တမနေ့ရက်ရောက်လျှင်၊ ဘုရားသခင်သည် ဖန်ဆင်းသောအမှုကို လက်စသတ်တော်မူခဲ့ပြီးသည် ဖြစ်၍၊ ဖန်ဆင်းသမျှသော အမူအရာတို့သည် ပြီးစီးပြီးမှ၊ ထိုသတ္တမနေ့၌ ငြိမ်ဝပ်စွာနေတော်မူ၏။ ထိုသတ္တမနေ့ကို ဘုရားသခင်သည် ကောင်းကြီးပေး၍ သန့်ရှင်းစေတော်မူ၏။ အကြောင်းမူကား၊ ဖန်ဆင်းပြုပြင်တော်မူသော ထိုအမူအရာအလုံးစုံတို့သည် ပြီးစီးသောကြောင့် ထိုနေ့ရက်၌ ငြိမ်ဝပ်စွာနေ တော်မူ၏။ ဤအကြောင်းအရာကား၊ ထာဝရအရှင်ဘုရားသခင်သည် ကောင်းကင်နှင့်မြေကြီးကို ဖန်ဆင်းတော်မူ သောနေ့၊ ဖန်ဆင်းရာကာလ၌ကောင်းကင်နှင့်မြေကြီး၏ မူလအတ္ထုပတ္တိပေတည်း။

1 2 3 43